Katamelo ea litaba tsa lipolotiki, e ts’oentse lepe la basali ba Lesotho

Lepelabasali ba Lesotho,le re le tšoenyehile ke tsela eo Basotho ba atamelang litaba tsa lipolotiki ka eona, hoba ba tsamaisa mahlapa le liketseletso ho batho ba bang, e le ho theola seriti sa bona.

Dr. ’Maesaea Thabane, o re ha ho taba e bohloko joalo ka ho rohakoa, etsoe eena, e le lehlatsipa la hona,’me boemo bona bo utloisa bohloko, hobane, ba hlapaoloang, ba bile ba netoa ka mashano a litaba tsee ba sa li tsebeng.

O bile a re lipolotiki ke papali e monate haholo e lokelang ho ho ba mabaleng a tsona, empa e bosula ha e bapalloa ka malapeng,moo ho qetelloang ho phenyekolloa makunutu a oona, a hasanngoe hohle.O re Basotho,ba ke ba itemohe.