Banna baa shoa ba bang ba nts’oa likotsi ke masholu a liphooflo tsa bona, Qacha

Banna ba babeli ba Ha Rateronko Qachaseneke, ba shoele, ha ba bararo ba tsoile likotsi ka mor’a ho khakhathoa ke masholu a neng utsoitse liphoofolo tsa bona a li isa Matatiele Afrika-boroa mathoasong a khoeli ena. Ho rialo monghali Thabang Ntšoane.

Mofani oa litaba tsena o re likhomo tsa bona li ile tsa utsuoa ka mekhahlelo ho tloha ka Tlhakubele ea monongoaha, ’me beng ba masaka, ba ile ba latela mohlala oa tsona, ba lemoha moo li ntseng li isoa teng. Ntšoane o re ba ile ba khutlela morao ho lata banna ba bang ba motse.

O re ba ile ba arohana ha ba fihla tseleng, e le ho hlaha ka likhoro tse fapakaneng, athe mokhahlelo o mong o tla fihla masholung pele ho e meng. O re bao ba ile ba  tšoaroa le ho khakhathoa ke oona,’me ketsahalong eo, ba babeli ba ile ba shoa.

O re ba khutlile likola li le ka mahlong, ba hlotsoe ho tla le likhomo tsa bona hoja ba ne ba li bonela haufi,’me sepolesa sa Afrika-boroa se tšepisitse ho etsa lipatlisiso tse tebileng ka tsona