Bamameli ba MOAFRIKA ba re Kobotata e lekhatheng la ho petsoha

Banna le basali ba Basotho, boholo e le bapolotiki ba mahlakore a mabeli a tjamelaneng a Kobotata, ba qalelletse ho fetšeolana ka mantsoe a bohloko a etsang hore lipolotiki tsa naha ena li be bolila bo tšoarisang lesokolla.

Ba hoelehetsana ka marangrang, banna le basali ba Kobotata ba buelana mantsoe a reng e mong o nyetse mang-mang hobane feela a ne a shebile menyetla, e seng hobane a ne a rata ’malesehlana eo. Ba re monna eo, o se a ntse a matha ho se hare sena a kopa ho phutlanyetsoa, ka le reng liphate tsa lelapa la hae li bata poo.

Ba emang le eena ba re ea chong joalo ke tšoene e sa iponeng lekopo hobane le eena o na le mehoula ea basali metseng ea toropo ea Maseru, ba bile ba re a bolele hore na ngoetsi ea hae e shoele tlas’a mabaka afe.