Nyeoe ea litho tsa sesole sa Lesotho tse leshome, tse qosoang ka ho bolaea leho akhela batho letamong la Mohale, e chechiselitsoe ho La 8 Motšehanong 2019.

Joalo ka Labobeli la beke ena, lekhotla ka Moahloli Molefi Makara, le ntse le makaletse bosieo ba liakhente tsa baqosuoa ka mabaka a sa tsejoeng ke lona, ‘moho le baqusuoa, ’me le itse le selebaletsoe hore na le tlo sebetsa joang ho ea pele, kaha ho se liakhente ho le tataisa.

Lebitsong la baqosuoa Brigadier Rapele Mphaki, o itse ese ele likhoeli tse 18 ba ea lekhotleng, ’me linyeoe li ntse li checha ka lebaka la ho sisintha ha sepolesa ho fa mofapa-hlooho bopaki bo lekaneng, ’me le bona ba feletsoe ke chelete ea ho lefa liakhente tse eang lekhotleng empa ho se tsoelo-pele.

Moahloli o tšepisitse ho bitsa kopano ea liakhente le mofapa-hlooho ho fumana mabaka a bosieo ba bona ka lekhotleng.