Lelapa la Koeshe le phelang Mohlaka-oa-Tuka, Ha Soko Theko, Maseru, le patlong ea morali oa lona ee esale a nyamela ka letsatsi la bone la khoeli ena, a tloha Ha Thetsane, a ea ha habo.

Ea buileng lebitsong la lona monghali Tšabalira Koeshe, o re ’Maletsatsi Koeshe, o ne a ile a letsetsoa ho utloa hore na o ntse a le tseleng e eang hae, a bolela hore o ntse a itlhatsoa, empa ha morao fono ea hae ea se ke ea fumaneha.

O re ka le hlahlamang, a ba etsetsa tsoibila e reng, o shobetse feela e seng hantle, ba leka ho mo letsetsa, ea arajoa ke monna ea itseng o Ha ’Nelese, o nyetse. O re ba mo batlile hona Ha ’Nelese, empa ha ba mo fumana.