Mosali o belaelloa lefung la ngoana ea lilemo li peli, Maseru

Mosali oa Ha-Lenono, Maseru, ea lulang Mafikaneng Ha Leqele, o re o seboko ka sechaba le morena oa motse oo, ba mo lulisitseng lejoe le motsu ka pelaello ea hore o bolaile ngoana oa ngoanana ea lilemo li peli, ka ho mo jesa chefo ka Labotšelela la beke e ka pele ho e fetileng.

Lineo Kometsi o re ngoana o ile a ruruha mpa le ho khethetsa makoeba, ’me boemong boo, eena o ile a bitsetsoa moreneng ho ea ikarabella, joale basali ba motse, ba se ba re ba batla ho itšeba le eena, ’me o se a ntse a utloisisa hore ba tlo mo shapa.

Lehakoe la litaba puisanong le morena Rethabile Maphale, o itse o makatsoa ke litaba tsa Lineo, hoba o ile a hana ho ea moreneng ha a ne a koptjoa ho itlaleha teng, ho feta moo, monna oa hae o mo letselitse a mo fetšeola ka mahlapa a tala ka Labobeli la beke ena.