Mokhotlong e rehelletsoe ka nonyana

E ntse e le ho keteka Mokete oa Moafrika Fm, Lehakoe la Litaba, le fumane litaba tsa setereke sa Mokhotlong se reheletsoeng ka nonyana e tšoanang le Lekhoaba ha e shebeloa hojana, ha hlooho ea eona e tšoana le ea mokotatsie, feela e lefatla.

Monghali Khotsang Moashoeshoe, o re setereke seo, ke sa borobong, ha nako eohle e le sa Qachaseneke, sa abeloa Batlokoa, ’me sa aroleloa bana ba motho, morena Maama le morena Rafolatsane, ba sehelana moeli le morena Lelingoana Sekhonyana.

O re ho ile ha hlongoa Kampo, ’me tente ea pele ha e hlongoa, ho ile ha eba le potso e reng, tente eo e be hokae, karabo ea e-ba hore e hlongoe moo nonyana eo e neng e eme teng, eaba e se le ha setereke seo se rehoa laeona e leng la Mokhotlong.

Ho feya mona Lehakoe le ntse le hlopha ho tla fumana litaba tsa setereke sa Mafeteng, hore lebitso la sona le tsoa kae le tsela ee le bitsoang ka eona. Ho sa salle morao lebitso la Teyateyaneng lee ho utloahalang le hlaha nokeng ea Tebe-Tebe, seterekeng sa Berea.