Letolo le ilibanya le ho bolaea batho hammoho le liphoofolo

Mohlankana oa Ha Kotoanyane, Mafeteng, o ile a ilibanngoa ke letolo, ha linku tse leshome le motso o le mong tsa habo tsee a neng a li alositse, tsona li bolailoe ke lona motšehare oa mantsiboea ka Laboraro lena.

Ntat’ae, monghali Ramaisa Koekoe, o re mora o mo boleletse hore le ile la tsekema ka pel’a hae nakong eo a neng a baleha pula, a phaphama ka mor’a ho ilibana a sa tsebe se ileng sa etsahala, a bonela linku thokoana li rapaletse, athe li shoele.

Koekoe o re linku li akha tse robong tse neng li emere. O re ha le fete khomo le je motho, oa leboha ka bophelo ba mora oa hae.

Ho sa le joalo mok’hanselara oa Popa Ha-Phohla, Mokhotlong, o re letolo le bolaile mohlankana le moroetsana ba neng ba ntse ba tsamaea hammoho, motšehare oa mantsiboea ka Laboraro la beke ena.

Monghali Serame Letsoepa o re sena se latela hore a hlabeloe mokhosi ke monna ea ileng a kopana le bao, ba oele ka lifahleho, ’me eena a tsebisa morena ea ileng a hoelehetsa sechaba ho tla sebanoanng.

O re ha ba fihla sebakeng seo, ba fumana bafu ba chele, ’me ba tsebile e mong e le motho oa motse oo, ha e mong le oa Ha-’Meta. Menyenyetsi o re e supa hore mohlankana o ne a hulela ba hae, ha ho tla hlaha tsietsi ena.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.