Mokhethoa oa Malingoaneng o kentse tšisinyo e mabapi le lipolao tsa Basotho tse etsahetseng matsohong a sepolesa le hore ’muso o arabele lillo tsa matichere, ka paramenteng ea sechaba, ka Labone la beke ena.

Monghali Serialong Qoo, o re ho latela tsamaiso, lintlha tseo, li tla tšohloa ka Laboraro kapa Labone la beke e tlang. Ho sa le joalo mokhethoa oa Senqu Likeleli Tampane, o kentse tšisinyo ea hore letona la Sepolesa le ke le arabe taba ea mapolesa a hlobotseng, a se nang seaparo sa mosebetsi.