Setsebi sa litaba tsa moruo se re motheo oa moruo ho batho ba elang hloko chelete e khutlang ka mor’a hore ba reke mabenkeleng, ke letsete le ka ba tsoelang molemo ha nako e ntse e e-ea.

Monghali Letsatsi Sephepha, o re taba ea chelete ea mofuta oo, ha batsoali ba ka  ruta bana ba bona ho ipolokela eona ba sa le tlase lilemong, ba tla teha ka babusi ba tlo tsotella moruo oa naha.

O re boholo ba babusi ha ba tsotelle ho boloka chelete ea sechaba, hobane ho tloha kholong ea bona, ha ba ka ba bontšoa bohlokoa ba ho boloka, ke ka hoo ha e fihla matsohong a bona, ba e leqetsang kaofela ba se na mohau, ba sa re letho ka sona.