Sechaba se re ha se hloke morena a tlosoe

Karolo ea sechaba sa Thuathe Lefikeng Ha-Koali Masupha, Berea, e ngoletse morena oa sebaka lengolo le mo kopang ho tlosa ramotse setulung sa borena, ka le reng, ha a sebetse le sona hantle.

Moghali Ferete Mahlomola, o re lengolo le phuthetse lintlha tse reng: morena o se tšosa ka lefu, o khetholla sechaba ka litšebeletso, hape o hana ho sebetsa le likomiti tsa sechaba tsa ntlafatso. O itsalo ho Lehakoe la Litaba a buella sechaba sa habo.

Leha ho le joalo, lethathamong la mabitso a lengolong leo la batho ba mashome a mararo a metso e meraro, ho se ho ikhutsi ba babeli ka mabaka a ileng a shebisanoa le beng ba lengolo.

 

Morena Thabiso Mosala, ramotse oa moo, o re o tseba litaba tseo, o se a bile a qositse ba bang ba batho bao ka ts’enyo ea lebitso la hae