Litotla li kopa ’Maseribane ho isa karabo moketeng oa bosechaba

Boemeli ba Litotla le batšehetsi ba Moafrika FM bo kopile Letona la Likhokahanyo hore le tle le ise karabo ea hore na MOAFRIKA FM e tla hlonyolloa neng, moo a neng a felloe lengolo la honyolla, ngoahola.

Benghali ’Makhatebe Maope le ’Matiisetso Mahakane ba lemositse letona hore e se e batla e le khoeli ea botselela joale e sale ba ts’episoa ke Mongoli e Moholo ’Mabotle Damane hore karabo e lokile, feela e lokela ho fanoa ke letona leo, mohla le fihlang le tsoa kantle ho naha.

Ka ho toba taba, boemeli bona ba Litotla, Bamameli le Batsehetsi bohle ba MOAFRIKA FM ke hore letona le tle le theohele ka Sefikeng sa Moshoeshoe, ka ha batho ba neng ba mo fe lengolo mohla monene, ba tla be ba le moo, ba ilo qala menyakoe ea bosechaba ea MOAFRIKA FM, e ketekang beke ea Moshoeshoe ea se-ea-le-moea sena sa Molimo.