E le ho ntšetsapele pono ea ho holisa ’muso oa Molimo, diocese ea Lesotho ea Kereke ea Chache, e tla ba le koetliso-thupelo ea Borutuoa, setsing sa Lesotho Durham Link, mafelong a beke ena.

Rev. Dr. Joseph Morenammele o re Kereke ea Chache ka lefatše lohle, e kene letšolong la lilemo tse leshome tsa Borutuoa le ho etsa barutuoa, ’me ho lebeletsoe mafapha a fapakaneng a kereke ea habo.

O re thupelo ea pele ea mofuta oa eona Lesotho, e tla etelloapele ke bakoetlisi ba tsoang Cape Town, Bloemfontein, Qoaqoa le Maseru, ’me e tla buloa ka molao ke Morena Mobishopo Mallane Taaso, ka Labohlano lena.