Monna o shoa a ne a hlasetse khoebo ea molata, Maseru

Moahi oa Lithoteng Ha-Seleso, Maseru, o re ho fihla moo ba khathetseng ke botlokotsebe bo etsoang ke bahiri malaeneng a motse oo, ba atisang ho hlahella litlolong tsa molao, bao boholo ba bona ba se nang mangolo a ba lumellang ho ba sebakeng seo.

Monghali Michael Pitiri, o re o bua sena a ipapisitse le hore e se e le makhetlo lebenkele la molata le ka har’a motse oo, le hlaseloa ke litlokotsebe, joalo ka ha ho etsahetse, moo ho ileng ha thunngoa ’melaelloa, ea ileng a timela hamorao

O re ba belaelloa ba bang, ba bararo, ba ile ba jara ea neng a se a thuntsoe, ba leka ho mo balehisa, empa ha ba le tseleng, ba mo nyahlatsa, kaha ba ne ba se ba baleha liqi tsa sechaba, se ileng sa atleha ho tšoara e mong oa bona, hoja a ne a se a itahletse ka nokeng ea Phuthiatsana, sepolesa sa ea ka eena.