Metsing le Mojapela ba re ha ba sa tšaba koko ea Lephele

Benghali Mothejoa Metsing le JP Mojapela ba hlalosoa ba se ba itse koko e ba je, ha e sa ba je e khots’e, khale le benya ba fetlama, ba se ba ikemiselitse eng kapa eng, neng kapa neng e ka ba hlahelang.

Liphala tsa Nonyana e Kholo le Kanana ea Basotho, li bua ho Re-nts’a Lephola la pele la beke ena, li itse banna bao ba etelletseng mekha ea bona pele, ba ikemiselitse ho kena khabong, ba e hlanaka sepolotiki ka har’a naha le ha e le mona ’muso o hana ho ba fa tšireletso ee ba e hlokang.

Moetellipele oa Nonyana e kholo o tlalehoa a tla lebeloa ke litho tsa mokha oa habo bosiu, ha Makanana ’ona a tla lebela oa oona nyene le bosiu.