Koloi e chesetsoa lebaleng la bo eona, Qachaseneke

Moahi oa Tereseng Makhalong Ha-Pitso Mokonyana, Qachaseneke, o re o cheselitsoe koloi ke baahisane ba hae ba babeli ba basali, ba seng ba le litlamong tsa sepolesa sa setereke seo, ba tšoeroeng ka Labotšelela le fetileng.

’Mamoeketsi Mohapi, o re sena se latela hore mesong ea letsatsi le boletsoeng, a utloe lerata la phala ea koloi ea beng ba eona, empa a khaleha, ha morao, a tsosoa ke molumo o moholo, ha a hlaha ka fensetere a fumana koloi ea hae e tuka.

O re hoseng, ba sala morao mohlala oa maoto o lebisitseng ha ’melaelloa oa pele, ea ileng a tšoaroa ke sepolesa, eena a tsoa ka mabitso a batho ba babeli, ba ntseng ba e-so tšoaroe.