Monna oa Ha-Setoko, Quthing, o re o tsietsing ea bophelo ba molekane oa hae ee esale a ea ha habo Ha-Khechane, Qachaseneke ho ea lokisa litokomane tsa bohlokoa, mahareng a khoeli e fetileng.

Monghali Matjeletsa Mabeta, o re mosali oa hae o tlohile hae a pepile lesea le likhoeli li hlano, ’me tsietsi ea hae ke hore mosali o na le lefu la ho oa, o bile o na le bokooa ba masapa, joale ha a tsebe se ka bang se mo hlahetse tseleng. Ho feta mona, o re ba habo ba boletse hore o fihlile, a ba a tsamaea.