Setopo sa motho se fumanoa lilomong, Berea

Mok’hanselara oa Ha-Nkhahle, Berea, o re ho fumanoe setopo sa mohlankana, Malaoaneng Thabana-Li-Peli hona seterekeng seo, lilomong, se robehile masapo ohle a ’mele, boko bo qhalane, ka Lapele la beke ena.

Monghali Mokhele Mphohla o re sena se latela hore mohlankana eo a tsohelle leetong la ho khutlela hae, pele letsatsi le chaba a tloha motebong, a ilo batlela namane moriana, empa ha le ntse le phahama ha fumanoa setopo sa hae selomong.

O re molisana ha a atamela, a bona motho ea seng a timetse tlase selomong, a hlaba mokhosi, sechaba sa phalla, ha tsebisoa sepolesa sa Pulane, se ileng sa tsebisa se Teyateyaneng.

 

O re mohlankana o ne a hiriloe ho lisa liphoofolo tsa moahi oa Malaoaneng Thabana-Li-Peli, ’me sebaka seo a neng a aloselitse ho sona o ne a sa se tsebe hore se lilomo, ha a hlaheloa ke kotsi