Sekalakati sa Ha-Hoohlo se senotse bonyollo ba liphathi tsa Lesotho

David Seutloali o senotse bonyollo ba mekha ea lipolotiki e nang le boemeli ka Lekhotleng la Sechaba, ba ho jella lichelete tsa Komisi e Ikemetseng ea Likhetho ka likobong, li tima ba bang, haholo-holo litsi tsa khaso le phatlalatso le hoja li e thusa matšolong a tsona a likhetho.

Sekalakati sa Ha-Hoohlo, se bua Probonong ea Labobeli lena, se itse liphathi tsohle tse emelang likhetho li thusoa ke IEC ka chelete ea boiketo ho ipapisoa le hore na mokha ka mong o eme mabatooeng a makae.

Hape, a re ho na le chelete e fuoang liphathi tse ka paramenteng ho ea ka litulo tsa tsona le hore na li khethiloe ke batho ba bakae. Ea liphathi tse ka paramenteng e hlalositsoe e le e thusang tsamaisong ea liphathi.

 

Phala ea NIPI e ile ea tlatsetsa Sekalakati, ha ho tla hlaka hore mekha e na le chelete e ngata ee e neng e lokela ho e jesana le litsi tsa khaso, empa li itjella li le ling, li jella ka likobong ke bonyollo.

 

Litabahali tsena li senohile nakong ea ha Sekalakati se ne se fana ka tlaleho ea ketelo ea liphathi tsa Lesotho ka Komiting ea Paramente e shebaneng le tšebeliso ea lichelete tsa sechaba