Ngoana o shoa ka mohlolo, ha mose oa e mong o nyamela a ntse a o tenne, Berea

Moshanyana ea selemo le likhoeli tse supileng, o timetse ka mohlolo, mahareng a khoeli e fetileng, oa tse leshome a nyamelloa ke mose oo a neng a o tenne, matsatsi ka mor’a ho shoa ha moena eo oa hae, Sekamaneng Ha Napo Majara, Berea.

’Matlotliso Mokibe o re ngoana o ne a ntse a ipapalla hantle, a ba a khaleha, empa ka le hlahlamang, a bonahala a khathetse, a se a bile a khethetsa makoeba, a potlakisetsoa sepetlele ’Mamohato, moo a ileng a timella teng, a lokela ho bonoa ke lingaka.

Leha ho le joalo, o re ba tšositsoe ke ho nyamela ha mose oo morali oa bona a ileng a robala a o tenne,’me ho fihlela lena, o ntse o e-so hlahe. Mosali ea reng ketsahalo ena ke ea khoeling e fetileng o re o na le bothata ba ho boloka ngoana ke bohloki.