Libini li malala-a-laotsoe ho ea tsanyaola moketeng oa Moafrika Fm

Lefapha la Moafrika Fm ka ’minong, le re le phethetse ngoliso ea lihlopha tsa libini tse tlang ho tsanyaolela matšoele moketeng oa bosechaba oa Qhooa ena, o tla ba setšeng sa Moafrika, se Qoatsaneng Maseru, bekeng ea bobeli ea khoeli e tlang.

Mohlophisetsi lefapheng lena, ’Mamatebele Mokoenehi, o re lihlopha tse kaholimo ho mashome a mabeli a metso e mehlano, li kenyelelitse tsa koriana, jazz, kosepele, lipolotiki, motjeko oa Setswana, setepe sa machato le kwaeto.

O re boemong bona, lihlopha tsena li tla utloahala li qoqa mananeong a fapakaneng a Moafrika, ho thaothela batšehetsi ba tsona ho tla moketeng ona oa litletle, o ntlafatsang toropo ea Maseru ka litsela tse fapakaneng.