Leshotsoana le saretsa mosali le ngoanana chelete e tsoang Afrika-Boroa

E se le makhetlo a ’maloa Lehakoe la Litaba le fumana batho ba utsoelitsoeng lichelete tsa bona ke mashotsoana a ikhakantseng sa-mokana a ilo ntša chelete ho le leng la mabenkele a Maseru, e tsoang Afrika-Boroa.

Mosali oa Matsieng Ha-Phalole, Maseru, o re o utsoelitsoe makholo a robeli a Maloti le karete ea boitsebiso, ke ngoanana ea kopaneng le eena lebenkeleng leo batho ba latang chelete ho lona, a re o mo kenya moo a neng a eme, ba ’na ba iqoqela, ho fihlela a ntša chelete, a ba a e kenya mokotleng, ba tsamaea ’moho ho ea lijong, empa a mo nyamella hamorao.

Ho sa le joalo ngoanana oa Masemouse Ha-Lethoko Moselane, Mohalesuku, ea lulang Semphethenyane, Maseru, o re o utsoelitsoe chelete e kaholimo ho sekete sa Maloti, fono le pasa ke ngoanana ee a mo tsebang, hoba o kile a kena sekolo le eena, ha a ne a mo kukisitse mokotla o tšetseng litokomane tsa hae.

Sena se latela hore mosali a tle le kopi ea pasa ee a e nkileng ho ngoanana eo ho tla tlaleha qhooeng ena, ’me Moafrika ea hoelehetsa mong’a eona, bobeli, ba fihla ehakoeng la litaba ho tla beha mahlakore a bona holim’a kopi eo, ha fumaneha hore ba etsoe ka liphalana.