Nyeoe ea litho tsa Sesole sa Lesotho tse qosoang ka ho bolaea le ho akhela batho letamong la Mohale, e chechiselitsoe ho la mashome a mabeli khoeling e tlang.

Mofapa-hlooho o boleletse lekhotla hore Moahloli Charles Hungwe, ha a e-so khutle Zimbabwe, o hakanya hore Moahloli o tla be a le teng, empa ha a ka fihla pele ho lona, mongolisi oa lekhotla o tla tsebisa liakhente.Nyeoe e ne e le Lekhotleng le Phahameng la Lesotho, ka pel’a Moahloli Teboho Moiloa.