Teleko ea matona a mabeli e atametsa letsatsi le leholo la ’Muso-Borokho

Probono ea beke ena e re ho lelekoa ha matona a mabeli, ’Matebatso Doti le Lebohang Hloaele ho akofisa ho tla ha letsatsi le leholo, e leng la ho thehoa ha puso e kopanetsoeng ka sepheo sa ho isa naha ena Nchafatsong ea Molao oa Motheo oa Lesotho. Ka Sesotho se hlakileng, ’Muso oa Borokho, Transitional Government ka puo ea batho ba bang,

Ba itse ka makhetlo a mararo, ba ’nile ba bona litonakholo li mathela botlotlehing, ha li hlanohetsoe ke litho tsa mekha ea tsona, li fihla li kopa likhetho-tsome, likhetho tseo tsa tsoala mebuso e meraro ea kopanelo, e sa kang ea tseba ho qeta lilemo tse tharo.

Ka lebaka lena, probono e re ke hore Dr Motsoahae Thabane a qalelle ho buisana le ba ka lumellanang le eena ka ho thehoa ha ’muso oo oa chebelopele, o tla beng o shebane le ntho e le ’ngoe feela, e leng ho bopa molao o mocha oa motheo oa Lesotho, o tlang ho etelloapele ke tokollo ea Tlali Kamoli chankaneng, ho hlakoloa ha molao o fileng LeChaena boea ba Basotho, Moafrika e honyolloe hohle, baphaphathehi ba buleloe likhoro ba khutlele hae ka thabo.