Setopo se fumanoa holim’a sefate se ena le mohala molaleng

Setopo sa leqheku la Kolo Ha-Ntaote, Mafeteng, se fumanoe holim’a sefate sa boloukomo, se e-na le mohala molaleng, ka Labotšelela la beke e fetileng, ho sa tsejoe hore na se fihlile joang holim’a sefate seo. Se ile sa hlekoa ke sepolesa sa Tšakholo.

Morena ’Manthakoana Mophethe, o re o ne a ile a hlabeloa mokhosi ke setloholo sa mofu, se neng se ile sa fumana a le sieo ka tlung, ha se potoloha ntlo sa mo bona sefateng moo a se na puo ha se tla hlaba mokhosi. Mofu o lilemo li kaholimo ho mashome a supileng.