Boetellipele ba mekhatlo ea matichere bo re bo ile ba kopana le komitjana ea matona e shabaneng le litaba tsa oona ho batla tharollo boitsekong ba matichere, ka Lapele la beke ena.

Ea buileng lebitsong la mekhatlo e meraro ea matichere, monghali Tšepo Lethobane, o itse ba teketse komitjana eo meoloane eo ba tlamehang ho e sebetsa pele ba kena khubung ea boitseko ba ma-roba-choko.

O re ba e bolelletse komitjana hore ho sebetsana le teleko ea matichere a habo bona, ’muso o hule linyeoe tse khahlanong le matichere, hape, matichere a nyolleloe meputso ka linoko tse robeli lekholong, ha ho ntse ho tsoeloapele ka lipuisano.