Morena oa Makhaleng Ha-Sekhonyana Mafeteng, o re o bona ho tla ba le tšollo ea mali ho e meng ea metse ee a e busang, ka lebaka la motlakase o sa kenngoang ho o mong oa eona, o tlotsoeng holimo.

Morena Makoanyane Sekhonyana Seeiso, o re sena se latela hore ho fihle tlaleho ofising ea hae hore motse oa Ngoan’a-Khare ha oa kenyetsoa motlakase ka mabaka a sa tsebahaleng, empa o ne o ntšitse chelete joalo ka e meng.

O re litaba tsena o ile a li tsebisa letona le amehang le ileng la ’molella hore a ke a li buisane le mokhethoa, ’me o se a bile a ngoletse morena oa Ha-Tšoeunyane hore a tle le komiti ea motlakase, mok’hanselara le mokonteraka ho tla utloa litaba tsena.