BKB e phatlalalitse koranteng ea eona hore ka lebaka la thibelo ea boea ho litšila bo tsoang Afrika Boroa, fantisi ea Laboraro la beke ena ha e na ho tsoelapele, setsing sa eona se Port Elizabeth.

Phatlatso e re kopano ea bohle ba nang le kobo ea bohali thekisong ea boea ba nku ke eona e lumellaneng hore fantisi eo ea boea ba nku e emisoe, ho fihlela ho utloahetse hore na China e tla bula maliboho a eona neng.

Taba ena e re Basotho ba ingoae lihlooho ba ipotse hore na boea ba bona, boo ho utloahalang bo tlosoa Thaba Bosiu, ka thetso e reng bo ea China, feela ho se ho fumanehile hore bo ea BKB bo potile Lechaeneng la East London na ho tla qetella ho etsahetse joang ka bona.