Morena o hanela malapa a mabeli ho kopanela phupu ea bafu ba ’ona, Mohalesuku

Morena oa Phamong Ha-Hlomelang Teane, Mohalesuku, o re o thibetse malapa a bafu ba babeli ba motse oa hae ho ba etsetsa litšebeletso sebakeng se le seng, ka le reng o bona hore ho tla qhoma ntoa, ho latela mofuta oa lefu leo ba le shoeleng.

Morena Hlomelang Teane, o re ofising ea hae ho fihlile mangolo a malapa a mabeli a kopang hore bafu ba ’ona, ba bolokoe mafelong a beke ena, empa a a bolella hore mofu e mong a patoe hoseng, e mong motšehare oa mantsiboea.

O re a sa makaletse litaba tsa malapa ao, Mokatikista a mo ngolla lengolo le reng o lokela ho pata bafu bao ka nako e le ’ngoe, hobane ba kena kereke e boliseng ba hae, ka hona o tla sitoa ho ikarola. Babelaelloa mafung ana, ba lokolotsoe ka beile.

Lehakoe la Litaba la MOAFRIKA le tlalehetsoe ke morena hore bara ba bararo ba motho a le mong ba bolaile ntat’a bona le mocheliete oa hae, ka ho ba khakhatha hampe, ba ea fihla matsohong a lingaka moea o se o tsoile linameng.