Moeketsi Koloti oa Kolo Ha-Ranthethi o tla boela a hlaha Lekhotleng la ’Maseterata la Maseru ka letsatsi la bone la kheli e tlang.

Koloti ea lilemo le mashome a mararo o qosoa ka polao ka sehloho le ka maikemisetso ea mosali oa hae ’Mathabelang Koloti, ea mo fafalitseng ka sefako sa likulo ka la mashome a mararo Pulungoana ngoahola, haufi le sethaleng sa Mopapa.

’Maseterata Selialia Rantšo, o laetse moqosuoa ho ba litlamong ho fihlela letsatsi leo, ho fa sepolesa ho tsoelapele ka lipatlisiso tsa mahlale.