Ho bile le tšebeletso ea sehopotso sa sefika sa moporofeta Walter Matita Thabana-Morena, Linotsing, Mafeteng, se neng se hahoe ka la leshome le metso e supileng Hlakola ngoahola-kola, sa bebele e sa kang ea kolobisoa ke pula hoja e ne lutse ’mananeng.

Moruti Thabo Nthako oa kereke ea Moshoeshoe, o re tšebeletsong ena ho ile ha fanoa ka khau ho moevangeli Samuele Konstabole ka boithukhubetso ba hae tšebeletsong ea Aletare ea Tefelo, e bang bosiu bohle ba Labotšelela beke e ’ngoe le e ’ngoe.

O re khaho ea sefika seo, e ne e be ka khothaletso ea Moshe le Moporofeta oa Basotho ba joale, Moarekapostola Sebonomoea Ramainoane, bakeng sa moloko ona le o tlang, ’me tšebeletso ena ke ea selemo se seng le se seng.