Moahi oa Khubetsoana Ntšireke Ha-Hlathe Majara, Berea, o re ba tsielitsoe ke monna ea hlaselang batho ha ba feta ka tsela haufi le ha hae, ’me taba ena e se e tlalehiloe ka makhetlo sepoleseng sa Mabote.

Monghali Tšeliso Makara lehlasipa o re o pshatletsoe nkho ka lejoe a ne a ilo kha metsi, ke monna eo hoseng ha Labotšelela la mafelo a beke.

O re litaba tsa monna li ’nile tsa tlalehoa sepoleseng sa Ha-Mabote ke bao a kileng a ba hlasela le ho ba pshatlela makoloi, ao a mang a oona, a ntseng a e-so lokisoe, a bolokiloeng malapeng. Le ha ho le joalo, phala ea sepolesa sa Lesotho monghali Mpiti Mopeli e re litaba tseo li lebisoe ho mookameli oa sepolesa sa Mabote.