Moahi oa Tšieng Ha-Abia, Maseru, o re ramotse a pate setopo sa mora oa hae kamor’a hore a khakhathoe ke banna ba motse oo ha khoeli ena, e ne e hlola matsatsi a mahlano, a belaelloa bosholung ba tšepe ea moreneng, botenng ba morena.

’Mapusetso Pakela o re sena se latela hore a longoe tsebe ke baahi ba babeli ba motse oo hore mora oa hae, o ntse a khakhatheloa moreneng, ha a fihla, a mo kopela tšoarelo, a bile a re o tla mpe a lefe tšepe eo, empa a se ke a mameleha.

O re o ile a tsebisa baholoane ba mora eo oa hae ba babeli, bao hamorao ba ileng ba phutha eo moena oa bona ho mo isa sepetlele, moo ba ileng ba bolelloa hore e se e le maobane, ’me litaba tsena tsa tlaleheloa sepolesa sa Lithoteng.

O resetopo se ile sa isoa tlhahobong ea ka mor’a lefu, ’me tlaleho ea ngaka e re sesosa sa lefu ke mali a qhalanetseng bokong, matetetso a hohle ’meleng le ho taboha ha letsoalo.

eha ho le joalo morena Tumo Nkhahle, o re litaba tsena li etsahetse, empa li se li le matsohong a sepolesa sa Lithoteng, a ke ke a tseba ho bua ka tsona.