Sechaba sa Qholaqhoe se hana pitso ea sepolesa, Botha-Bothe

Sechaba sa Makhoakhoeng, Ha Thaabe, Butha-Buthe, se hanne pitso e neng e kopjoa ke mookameli oa sepolesa sa setereke seo ho morena oa sebaka, Morena Tumane Matela, ka le reng mapolesa a Qholaqhoe a khakhathile le ho bolaea mor’a oa ramohlongoana oa motse oo, monghali Sempe Molapo.

Monghali Lebeoana Molapo, o re mookameli oa sepolesa o boleletse morena hore o utloetse hore sechaba sa tikoloho eo, se tletse khalefo hoo se ntseng se lohotha ho koala motebo oa sepolesa sa Qholaqhoe, ka mor’a qoaketsano e bileng pakeng tsa sona le sepolesa ka Tšitoe ea ngoahola.

Momameli o tla hopola ketsahalo ea mapolesa a ileng a khakhatha morena le bara ha hae ba babeli, e mong a ba a shoa, bekeng e fetileng, ’me mofu a isoa polokelong ea litopo ’me ke ’ona mapolesa a itseng a fumane setopo seo, e le lelahleha mathoasong a khoeli ena