Melata e jesa Basotho lijo tse feletsoeng ke nako

E mong oa bareki lebenkeleng la korosari la molata, le Ha Matala, Maseru, o re o  rekile ka morero, masimba a bonahalang a feletsoe ke nako, ka sepheo sa ho hlokomelisa Basotho hore a rekisoa Loti, ha a ne a lokela ho rekisoa Maloti a mane.

Moreki eo Lehakoe la Litaba le nang le mabitso a hae, o re o ile a botsa mosebeletsi oa Mosotho lebenkeleng leo, hore na hobaneng pereisi ea masimba ao e le tlase hakalo, eena a re ke hobane a feletsoe ke nako.

Lehakoe la Litaba le lekile ho letsetsa Lefapha la Tšireletso ea Baji, empa mohala o ne o lla feela, leha ho le joalo menyako e butsoe bakeng sa lefapha ho fana ka lehlakore la lona.