Mapesela o re marang-rang a jala kalieana

Letona la Tšireletso la Lesotho, le re kaliana e ntseng e jaloa ka har’a marang-rang ea hore ke le leng la matona le alimiloeng chelete ea boea ba borankulikae, ke leshano la joaleng.

Monghali Tefo Mapesela, o re ha ho na taba e joalo, empa e le mafosisa, ao beng ba litaba tseo ba a reretseng ho mo senya lebitso. Marang-rang a re monghali Mapesela, o alimiloe limilione tse ka holimo ho tse supileng tsa Maloti. Ho bile ho thathamisitsoe mabitso a matona a habo a mangata.