Mahokela a Semenanyane a its’oarela ’melaelloa oa bosholu ba liphoofolo

Mahokela a Semenanyane, Sekiring Ha-Maramane Mathaba, Mokhotlong, a tlalehoa a ile a itsoarela ’melaelloa oa bosholu ba liphoofolo tsa metse ea habo ’ona, ea bileng a a isa ho lesholu le sebetsang le eena, ’me liphoofolo tsa fumanoa ho lona li se li e-na le mats’oao a macha.

Mok’hanselara oa moo, o re banna ba ile ba ts’oara eo ka thata ka mor’a hore a ba saeletse lintja, ha ba ne ilo mo ts’oara, empa ba li fekisa, ba fihla ho eena, ba mo qhobela moo a itseng liphoofolo li hona teng, motsoalleng ea hae, ba fela ba li fumana, empa eena a nehela moea, litaba tsa sallana le eo liphoofolo li fumanoeng ho eena.

Monghali Songoane Lesoetsa, o re mahokela a fihletse ho inkela molao matsohong ka mor’a hore mapolesa a Mapholaneng a ichebise koana, ha a ntse a fua litlaleho tsa lesholu le neng le se le phela ha habo lona moholo, Makhoaba Ha Leshota Sekonyela. ’Mathabo