Lekhotla le file komiti ea khale ea kobotata mokobobo oa ofisi

Lekhotla le Phahameng la Lesotho le file Komiti ea khale ea Kobotata mokobobo oa ho tsoelapele ka mesebetsi eohle ea eona, ea pele le ka mor’a likhetho tsa komiti e kholo tsa seboka se sa tsoa feta, ho rialo mongoli e moholo oa mocha oo, monghali Samonyane Ntsekele.

O bolelletse Hora ea Litaba ea MOAFRIKA ka Lapele lena hore taelo ea nakoana ea Lekhotla le Phahameng e ba lumella ho tsoelapele ka mosebetsi oa ofisi, e le kananelo ea thapeli ea benghali Habofanoe Lehana, Keketso Sello le Mohapi Mohapinyane, ba noketseng nyeoe e potlakileng ka lekhotleng leo hona ka lapele lena la la leshome le motso o le mong la khoeli e holimo.

Litho tseo tse tharo tsa Kobotata, li lla ka le reng likhetho tsa komiti e kholo li bile le manyofonyofo, ka lebaka leo, li kopa hore Lekhotla le Phahameng la Lesotho le li phatlalatse li sa ba teng, le be le laele komiti e kholo e neng e lokela ho suthela e hlahlamang, ho lokisetsa likhetho tse ncha, ka nako ea likhoeli tse tharo ho tloha ka mor’a nyeoe ena.

Har’a likhang tse ngata tsa balli, ba re litho tsa komiti e ncha li khethiloe ka lipalo tse ngata ho feta tsa borumuoa bo neng bo le sebokeng seo. Ho feta moo, ba re ha komiti e ncha e ka lumelloa ho kena ofising, ho tla qhoma ntoa e mahlo-mafubelu lipakeng tsa litho tsa Kobotata, mali a mathe liphororo.

Kahlolo e tjebelang likhetho matjoing, ba re e tla thusa ho thibela ts’ollo eo ea mali a se nang molato, e tlang ho tsoaloa ke ho nkhisetsa mahafi ha mahlakore a tsekisanang a ABC Kobotata.

Lekhotla la Mekhatlo e Ikemetseng la Lesotho (LCN) le lona le kenyellelitsoe nyeoeng ena, ka ha e le lona le neng le tsamaisa likhetho tseo Lehana, Sello le Mohapinyane ba reng li ne li tletse manyonyofo a e-s’o bonoe Iseraeleng. RK.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.