Mekhatlo ea matichere e tla simolla boipelaetso bekeng ea boraro ea Hlakola

Mekhatlo e meraro ea matichere file Lekala la Thuto, tlhokomeliso ea matsatsi a supileng ho tloha ka Labone la beke ena, hore e tla kena boipelaetsong, ho qala ka la leshome le metso e robeli, khoeling ena.

A bua lebitsong la mekhatlo ena, Lepholeng la Labohlano la beke ena, ’Mapitso Molai, o re e se e phethetse melao le melaoana ee e tlang ho ipapisa le eona, ha e kena boipelaetsong.

Har’a tse ling, o re matichere a tla lula malapeng libeke tse tharo ka tatellano, a khutle ho ea bone, ho ruta bana, a boele a phomole tse tharo, ho fihlela mohiri oa bona a ithibolotse ho mamela lillo tsa ’ona. Mokhethi