Mek’huk’hu ea baitšokoli e chahisoa ke tekesi e sa tsejoeng, Maseru

Mek’huk’hu e meraro ea baitšokoli ba sebeletsang haufi le Kingsway, pel’a moaho oa Thola-Tu, Maseru, e ile ea chaisoa ke tekesi e neng e le lebelong le phahameng, mesong ea Laboraro la beke ena, ea senyeha hampe.

Ea buileng lebitsong la baitšokoli bao, Mokhoele Lebakeng, o re e bile semaka ha ba fihla mosebetsing hoseng ha letsatsi le boletsoeng, ba fumana mek’hu’k’hu ea bona e kobehile litšepe, e senyehile.

O re ba tsebile sena ka bahlankana ba phelang seterateng, hore koloi eo e neng e le lebelong le phahameng, e tlohile moo ka thuso ea mapolesa, hoja beng ba eona, ba ne ba bo khile ka likhopo, ’me ha ho tsejoe phello ea litaba tseo.