Lekhotla le Phameng la Lesotho le tla qala ho mamelisisa nyeoe ea Koro-Koro, ABC le ntlokholo ka Laboraro la beke ena, kapel’a Mahase ACJ, ka taelo ea Lekhotla la Maipiletso e tsoileng ka Lapele la beke ena.

 

Mahase ACJ o bolelletse liakhente ka Labobeli lena hore o lokela ho thuta lipampiri tsa nyeoe tsa mahlakore ao a qothisanang lehlokoa ‘moho le ho ithuta molao oa motheo oa Kobotata a tle a tsebe ho utloisisa ntho e tsekoang.

 

O buile a re bohle ba lemohe hore ho ea ka tsamaiso e nepahetseng o ne a lokela ho ba le matsatsi a mabeli a ho ithuta nyeoe eo, athe lekhetlong lena, o bile o filoe lipampiri tsa eona a se a kena ka khotla.