Bamameli ba Lekomo la Labobeli la beke ena ba re ba chahella monoana se entsoeng ke Lepe la basali ba Lesotho

Bamameli ba Lekomo la Labobeli la beke ena ba re ba chahella monoana se entsoeng ke lepelabasali ba Lesotho, ka ho hloela a mang a makala ao basebeletsi ba oona ba hulanyang maoto, ha ba lokela ho akofisa litšebeletso.

Monghali Serialong Qoo, o re o ema le Lepe leo, ’me ese eka le ka ea sisinya lekala la Likhokahanyo, moo li bothileng ka lijoko le la Bohahlauli, moo bahlanka ba bonahalang ba itebetse hore ba tlile bosebeletsing ba sechaba.

Monghali Moremoholo Makhabane, ea tsejoang ka la Sefate sa ’Mopo, o bile a thokoloa ke puo ea Qoo ee, a bileng a re o qala ho lumellana le eena ka litaba ha e sa le a mo tseba, ka hona o matha mehlaleng ea hae.

Mohlophehi Mohlophisi e Moholo, o re o ananela Lepe la basali lee se entseng, ’me ha e le mona ba thehileng puso ba sa le phubule molomo, bona ke bopaki ba hore ho ka etsehala hore Basotho ha ba leseling la e meng ea mesebetsi ea Lepe la basali ba Lesotho.

Chalale Mokhethi