Tefo Mapesela o batla limilone tse peli tsa Maloti ho Moshoeshoe kapa MOAFRIKA

Bahasi le baphatlalatsi ba litaba ba ntsoeleng holim’a nchafatso ea melao

Letona la Khoebo le mesebetsi e meholo la Lesotho le qositse monghali Khotsang Moshoeshoe ka tšenyo ea lebitso, le mo qosellelitse le MOAFRIKA FM ka le reng Moshoeshoe o mo sentse lebitso a le holim’a eona.

O re tšenyo ena ea lebitso ke ea mohla monghali Moshoeshoe a neng a re koloi ea hae ea mosebetsi e nyanyalitsoe ka tsoekere e sootho, a buisana le e mong ’Mathabo oa MOAFRIKA FM, moeeng.

O bile o re ’Mathabo eo, o ile a thiba monghali Moshoeshoe eena a re ore a se behe litaba joalo, eena a re o hlile o cho joalo, ea tlosang a mo qose. RK.Tsebo Matšasa 63988905Bahasi ba litaba le baphatlatsi ba tsona ba Lesotho ba ntsoeleng hore ho na le melao e mengata e ba setisang ho sebeletsa bamameli le babali ba naha ena ka bolokolohi, e lokelang ho hlakoloa libukeng tsa melao tsa naha ena.Kopanong ea Labone lena, e neng e hlophisitsoe ke Misa Lesotho, moo setsebi sa eona neng se phatlalatsa tlaleho ea liphuputso tsa sona ho ne ho le teng baemeli ba litsi tsa khaso le tsa phatlalatso tse ikemetseng le tsa kereke, ’moho le litho tsa komiti ea media ea bohanyetsi, tokisong ea melao ea naha ena.Qetellong ea tlaleho, bohle ba bile le sebaka se lekanang ho botsa le ho matlafatsa tlaleho eo, ’me qetellong bohle ba tloha ba thabile, ba bile ba re e ka ho ka ba le menyetla ea likopano tse joalo ka eo, khafetsa; mofuputsi oa Misa-Lesotho eena a tšepisa hore o tla hapella makutlo a phutheho tokomaneng ea mapomelo. Rk.