Motse oa Qoaling Ha Seoli o na le matšoao a mollo o runyang fatše

Lesotho—Sechaba sa Qoaling Ha Seoli se phatlalalitse mokhosing oa ka Labohlano le Labotšelela tsena hore se bona molora o nyolohang fatše, o phatlolang polasetiki ha o kentsoe kahar’a eona. Ba re o na le monkho o sa tloaelehang oa ho cha. Tlaleho e fanoe ke ’Mantsoaki Mohai.

Momameli e mong o itse ntho e joalo e kile ea etsahala Qachaseneke, lehlakoreng le haufi le moeli oa Matatiele kantle ho metse ha e mong eena a itse o kile a e bona Matelile moo e neng e je masimo.

Ntate Mohau Maphephe o itse sebaka sa Thaba Bosiu Ha Ntsi le sona se kile sa e-ba le mollo o nyolong ka tlas’a lefatše, oa hotetsa mohlanka o neng o le moo ha sebaka seo se tla bitsoa Mohlaka oa Tuka.

Mohlomphehi Mohlolphisi e Moholo o elelitse sechaba sa Ha Seoli hore se phothome mok’hanselara oa sona, ka ha ho ka etsahala hore e be ntho eo ke volcano, eena o tla kopana le Lekhotla la toropo le tlang ho kopana le litsebi tsa ’muso kapa tsa junifesithi ea sechaba ho tla thusetsa.

O itse ba lokela ho akofela boemo boo hobane haeba ba ba fela ba lutse holim’a volcano, mohla e phahlohang, ba tla hloka sekoti sa ho ipata, e tla ba metselletsa le sohle see ba nang le sona, matlo, masaka, lihoko le makoloi. RK.