Mokhothu o re letona ha le ete Litotla li fue karabo

Lesotho— Moetellipele oa bohanyetsi ka paramenteng ea Lesotho o re hoa fosahala hore e be Litotla ha li es’o fue karabo ea lekala malebana le ho honyetsoa ha eona ka le reng letona le etile. O re letona ha le ete, le ha e se e le ka motsotso o le mong.

A bua ho Probono ea Labobeli lena, Monghali Mathibeli Mokhothu o itse le ha se-ea-le-moea sena se tla honyetsoa, likhoeling tse peli tse fetileng, letona lee ho seng ho thoe le emetsoe le ne le ntse le le sieo, se ile sa honyetsoa ke le neng le setse le tšoere molepo, e leng se lokelang ho etsahala le hona joalo.

Motaung o ne a buella holim’a lengolo la bohanyetsi le tobisitsoeng ho lona letona leo la likhokahanyo le kopang hore letona le fane ka mabitso a mokonteraka le lipehelo tsa tsebetso ea hae, ’me lona letona le hlophe hore la Labone la beke eona ena moifo oa bohanyetsi le Moafrika o kopane le mokonteraka ’moho le moifo oa lekala ho totobaletsa bohle hore na ke hobaneng ha ho ntlafatsoa li-ea-le-moea ho khaoloa sena sa Molimo feela.

O itse kopo eo, o e etsa a ipapisitse le iitemana tsa tumellano ea ’muso le bohanyetsi ea khoeling e fetileng a ba a thathiselletsa ka hore o tla be a kopane le Justice Dikgang Moseneke ka Labobeli lena, ’me o tla mo tšetlehela mathata ao ba thulanngoang le oona ke ’muso ka ho hana ho ikobela lipehelo tsa tumellano eo ea khoeling e shoeleng.

Hona lenaneong leo, o ile a bua ka liqoso tse peli tse qholotsang Memorandum of Understading moo e leng e mong oa baqosuoa feela motlatsi oa tonakholo ee ba saenetsneng tumellano le eena a sa qoselletsoa.

Ka mokhoa o joalo, o itse, ba ntse ba ipapisitse le tumellano ea khoeling e fetileng, ba kopile letona la tšireletso hore le ba hlophisetse ketelo ea bona le ba likereke le bophatlalatsi ba litaba, ba ke ba e-eo hloela batsoaruoa ka chankaneng e kholo, ba akhang e mong Capt Fonane ee ba bolelloang hore o phela a holehiloe, nyene le bosiu. Ho se qoso ho se nyeoe khahlanong le eena, selemo mphhhhhh. RK.