Metsing o tla kena Lesotho ka la khoeling ena ka la 25

Lesotho—Moetellipele oa Nonyana e Kholo o lebelletsoe ho kena Lesotho ka Sontaha sa ha khoeli ena e tla be e hlola matsatsi a mashome mabeli a metso e mehlano, a tsoa ka Afrika Boroa bophaphathehing ba nako e telele.

Tsena li phatlalalitsoe sebokeng sa boqolotsi ba litaba, Maseru, ka Labobeli lena ke boetellipele ba bohanyetsi, bo bileng ba re o tla kena a aperoe ke banna bohle ba Basotho ba ileng ba kholaphalo ba baleha semana sa ’muso ona o bitsoang oa Lephele ke bohanyetsi.

Har’a bona ho tla ba le moetellipele oa Kanana ea Basotho, Teboho Mojapela, motlatsi oa moetellipele oa Nonyana e Kholo, Tšeliso Mokhosi, Mookameli ea phomolong oa sepolesa Molahlehi Letsoepa, Mookameli oa mehleng oa mautloela Tumo Lekhooa le ba bang ba bangata.

Hona sebokeng seo, bohanyetsi bo ile ba tšoela ka sehlethela sa mathe le likhohlela, see ba itseng ke boitšoaro bo makatsang ba ’muso oa Lesotho, bo reretsoeng ho setisa Tlhophobocha, ka ho iqosa ka lekhotleng le phahameng, o sebelisa batho banna le basali ba basotho, athe batho bao, e mpa e le maholi a patileng maeba, e le matsollopeli mapata masene. RK.