Sekata o re Mothejoa Metsing o tseleng e tlang hae

Lesotho—Phala ea Nonyana e kholo monghali Teboho Sekata, e bua ho Re Ntša-Lephola, ka Labohlano la beke ena, e re moetellipele oa mokha oo, monghali Mothejoa Metsing, o tla fihla ka hare ho naha pele khoeli ena e fela, e le ha a tlo itlhophela ho tla kena tlhophong-bocha.

Monghali Sekata o re moetellipele o khutlela ka hara naha ena e ntse e le motlatsi oa tona-kholo ea mehleng, e bile e le moetellipele oa mokha oa LCD, ’me a ntse a fuoa tšireletso ea sepolesa sa Afrika-Boroa.

O re monghali Metsing, o tla tsoelapele ho sebelisa tšireletso ea Afrika-Boroa, ho fihlela litho tsa Nonyana e kholo li ikholisa hore boemo ba bophelo ba hae bo tsitsitse, ha bo sa na ho sitisoa ke letho.

Momameli o tla hopola hore monghali Mothejoa Metsing, o se a qetile selemo a le kantle ho naha, ka mor’a hore a pholose bophelo ba hae, ha a ne a hlasetsoe ke mapolesa a neng a hlometse ka thata, eare ha a utloa, a itlheka. ’Mathabo