Lekala le ntse le e-s’o arabe sello sa batšehetsi ba MOAFRIKA

Lesotho—Mofumahali ’Makahatebe Maope o re o ntse a e-s’o fumane karabo e ngotsoeng, e tsoang lekaleng la likhokahanyo, ee a neng a ile a e tšepisoa le mongoli e moholo oa lekala leo, Ms ’Mabotle Damane ka la-pele la beke ena.

O re puisanong ea bona ea bona moha Damane o itse letona le ntse le le sieo empa, ba tla buisana le eena ka hora ea bobeli, ka tšepo ea hore ba tla be ba se ba e-na le ntho e tšoarehang.

Litaba tsena li latela mokoloko o moholo oa sechaba o neng o etelletsoepele ke Litotla ka labone la beke e fetileng, moo Litotla li neng li nehelane ka lengolo la litletlebo, li kopa hore letona Thesele ’Maseribane le honyolle maqhubu a MOAFRIKA a neng a honyetsoe ke letona Tefo Mapesela likhoeling tse peli tse fetileng.

Letona M apesela le ne le re le honyetsa MOAFRIKA ka sepheo sa ho e pharalatsa, empa e e-s’o mo kope ho e pharalatsa kaha e ne e se e ntse e pharaletse ho feta li-ea-le-moea tsohle kahar’a Lesotho, ho balelloa le sa ’muso.

Hape, a beha digital migration ee a neng a re e tla thusa ’muso morerong oo oa pharalatsa ea li-ea-lemoea e le lebaka la ho honyetsa Moafrika. Litotla li bolelletse letona ’Maseribane hore lebaka leno ha se la ’nete, tsa re digital migration e shebane le thelebishene feela, e bile ke khang e lipakeng tsa Lesotho le Afrika Boroa e seng li-ea-le-moea. RK.