Sekhamane o otlolla tsamaiso ea liboka tsa DC

Lesotho—Motlatsi oa Mongoli oa mokha oa Potoana, monghali Tlohang Sekhamane, a bua lenaneong la Lephola la Labone la beke ena, o re tsamaiso ea seboka se bulehileng, ha e ea ngoloa ka har’a molao oa motheo oa mokha oo, empa litho li tataisoa ke molaoana o li tataisang ka mokhoa oa ho bua le boitšoaro.

Sena o se buile a ipapisitse le mororo o tletseng ka har’a marang-rang le li-ea-le-moeeng oa hore motlatsi oa moetellipele oa mokha oa DC, o bonahala a thobisoa ka ho bua libokeng tsa moetellipele, empa eena moetellipele a le teng.

 Monghali Sekhamane, o buile ka temana ea molao oa motheo ea, 5.3.2, e bontšang hore motlatsi oa moetellipele a ka thusa moetellipele kapa ho mo tšoara letsoho libokeng tsa hae ha a le sieo.

O re ka lebaka leo, ha ho na phoso ha motlatsi oa moetellpele a bua botenng ba moetellipele ka sepheo sa ho mo thusa, empa boemong bo renang morao tjena, litho tse ling tsa mokha, li hloma eka motlatsi oa moetellipele o ntšoa tjaro ea ma-bonoa-ke-lintja. Hlephe