Bamameli ba re MOAFRIKA ha e loee ho loea Fetty

Lesotho—Bamameli ba Moafrika fm ba re ha se se-ea-le-moea sa boloi le baloi joalo ka ha e mong Fetty a ngotse leboteng la hae la marang-rang a bile a e lakaletsa ho koalloa ruri, ha e le hantle o senolehile hore ke eena moloi joale o phototsoe ke matla a thapelo a kahar’a Moafrika fm.

Tsena, ba li buile Puong ea Sesotho ea Labone lena, moo sehlooho se neng se le holim’a tlhaloso ea lentsoe, moloi, le hlalositsoeng e le ho sebelisa litlhare ho sulafaletse motho kapa batho ba bang bophelo.

Bamameli ba bile ba re moloi ha a mele litšiba, e leng ho bolela hore a ke ke a khetholloa har’a batho ba bang, ntle le ka mesebetsi eo ea hae, le hona ke eena ea itšenolang ka mesebetsi le lipolelo tse kang tsa Fetty, nakong ea ha a se a photolehile, joale a neta ba bang ka bona boloi boo ba hae.

Motlatsi oa mongoli e moholo oa Potoana, monghali Tlohang Sekhamane o ile a hanana le polelo eo ea motho ea itlhalosoang e le setho sa bacha ba DC, a re mokha oa habo o hlonepha khaso le phatlalatso, ka lebaka leo, o hanana le polelo e reng MOAFRIKA ke setsi sa baloi, se honyelitsoe ka nepo. Eena o ne a bua ho Rentšalephola la letsatsi lona leo. RK.